ປະກາດທຶນການສຶກສາ ມະຫາວິທະຍາໄລຊົນເຜົ່າກຸ້ຍໂຈ

ທຶນການສຶກສາມະຫາວິທະຍາໄລຊົນເຜົ່າກຸ້ຍໂຈ

ຊື່ໂຮງຮຽນ: ມະຫາວິທະຍາໄລຊົນເຜົ່າກຸ້ຍໂຈ ໂຮງຮຽນອັນດັບສອງຂອງແຂວງກຸ້ຍໂຈ

ທີ່ຕັ້ງໂຮງຮຽນ:  ເທດສະບານແຂວງກຸ້ຍໂຈ ໃຈກາງເມືອງ

ໂຄຕ້າທຶນ:  ຈຳນວນ 20 ທຶນ ເໝາະສໍາລັບຜູ້ທີ່ບໍ່ທັນມີພື້ນຖານພາສາເທື່ອ

ລະດັບຮຽນ:  ປະລິນຍາຕີ 5 ປີ, ປະລິນຍາໂທ 4 ປີ ແລະ ປະລິນຍາເອກ 5 ປີ

ເງື່ອນໄຂທຶນ:  ປີທີ 1 ກຽມພາສາ ດ້ວຍຄ່າຮຽນ ແລະ ຄ່າຫໍພັກຟຣີ, ຄ່ານໍ້າຄ່າໄຟຟຣີ, ບໍ່ມີເງິນເດືອນ; ຫຼັງຈາກສອບເສັງລະດັບພາສາຜ່ານ 4 ຈີ ແລ້ວ ຂື້ນສາຍວິຊາສະເພາະ ຈະໄດ້ທຶນ ຄ່າຮຽນຟຣີ, ຄ່າຫໍພັກຟຣີ, ຄ່ານໍ້າຄ່າໄຟຟຣີ, ເງິນເດືອນ 400, 600, 800, 1000 ຢວນ/ເດືອນ ຈະໄດ້ຫຼາຍ ຫຼື ໜ້ອຍຂຶ້ນກັບຜົນການຮຽນ; ຫໍພັກປະລິນຍາຕີ 4 ຄົນ/ຫ້ອງ, ປະລິນຍາໂທ 2 ຄົນ/ຫ້ອງ, ປະລິນຍາເອກ 1 ຄົນ/ຫ້ອງ. ມີຫ້ອງນໍ້າໃນພ້ອມນໍ້າອຸ່ນ, ມີຫ້ອງຄົວກິນໃນ ສາມາດແຕ່ງກິນດ້ວຍຕົນເອງໄດ້ຄືກັບຢູ່ເຮືອນຕົນເອງ, ມີເຟີນີເຈີຄົບຊຸດ.

ສາຂາວິຊາຮຽນ: ສໍາລັບປະລິນຍາຕີມີສາຂາ ບໍລິຫານທຸລະກິດ, ບໍລິຫານການທ່ອງທ່ຽວ ແລະ ພາສາຈີນ. ສ່ວນປະລິນຍາໂທມີສາຂາ ກົດໝາຍ, ການທ່ອງທ່ຽວ, ສິ່ງແວດລ້ອມ, ສັງຄົມສາດ, ສື່ສານມວນຊົນ, ຄະນິດສາດ, ສະຖິຕິ, ເຄມີ ແລະ ປະລິນຍາເອກມີສາຂາ ກົດໝາຍ ແລະ ສັງຄົມສາດ.

ເງື່ອນໄຂຜູ້ສະໝັກ: ປະລິນຍາຕີອາຍຸ  16-25 ປີ;  ປະລິນຍາໂທບໍ່ກາຍ 35 ປີ, ປະລິນຍາເອກບໍ່ກາຍ 40 ປີ. ຜູ້ທີ່ບໍ່ທັນມີລະດັບພາສາເທື່ອ, ບໍ່ທັນມີ 4 ຈີ ກໍ່ສະໝັກໄດ້. ນັກຮຽນທີ່ກຳລັງຮຽນ ມ.7 ກໍສະໝັກໄດ້.

ປິດຮັບສະໝັກ:  30/6/2021

ເລີ່ມຮຽນ:  ເດືອນ 9/2021, ຖ້າສະພາບໂຄວິດ-19 ຍັງລະບາດຢູ່ ອາດຈະເລີ່ມຮຽນອອນລາຍກ່ອນ ແຕ່ຕາມການຊີ້ແຈງຂອງມະຫາວິທະຍາໄລ ເດືອນ 3/2022 ແມ່ນເດິນທາງໄປໄດ້ແນ່ນອນ.

ເອກະສານປະກອບມີ: ພາສປອດ, ໃບປະກາດ, ໃບຄະແນນ, ຊີວະປະຫວັດ, ໃບກວດສຸຂະພາບ, ໃບແຈ້ງໂທດ ແລະ ຮູບເປັນຟາຍ JPG. ສໍາລັບນັກຮຽນທີ່ກໍາລັງຮຽນ ມ.7 ຈະມີຟອມເຮັດໃບຢັ້ງຢືນການສຶກສາ ແລະ ໃບຄະແນນ ມ.56 ພາກຮຽນທີ 1 ມ.7 ຕ່າງຫາກອີກ. ສະແກນເປັນຟາຍ pdf.

ວິທີສະໝັກ:  ເອົາເອກະສານທັງໝົດ ເປັນຟາຍ pdf ສົ່ງເຂົ້າວອດແອັບ https://wa.me/8562093930384 ຫຼື ສົ່ງເຂົ້າອີເມລ laoacademic@yahoo.com ເມື່ອພວກເຮົາໄດ້ຮັບເອກະສານແລ້ວ ຈະຕອບກັບພາຍໃນ ສອງມື້, ການສະໝັກທຶນນີ້ຈະໄດ້ເສຍຄ່າບໍລິການສະໝັກທຶນ ໂດຍເຮັດໜັງສືຍັນຍາຢ່າງລະອຽດ ເພື່ອຮັບປະກັນຜົນປະໂຫຍດຂອງທັງສອງຝ່າຍຕາມລະບຽບກົດໝາຍ.

ໝາຍເຫດ:  ສະພາບການແຜ່ລະບາດຂອງໂຄວິດ-19 ຍັງສືບຕໍ່ເປັນໄພຂົມຂູ່ຕໍ່ທົ່ວໂລກ, ການດໍາລົງຊີວິດອາດຈະບໍ່ກັບຄືນມາເປັນປົກກະຕິໃນໄວໆນີ້ ວຽກງານຕ່າງໆ ລໍຖ້າສະພາບກັບຄືນສູ່ປົກກະຕິແລ້ວຈຶ່ງຈະດໍາເນີນການນັ້ນ ອາດຈະດົນນານ. ສະນັ້ນ, ພວກເຮົາຄວນເຮັດວຽກຕໍ່ໄປພາຍໃຕ້ສະພາບການດັ່ງກ່າວ ແລະ ຮຽນຮູ້ວິທີເອົາຕົວລອດ. ການສະໝັກສະໝັກທຶນໃນຊ່ວງໄລຍະນີ້ແມ່ນ ຈະໄດ້ເລີ່ມຮຽນເດືອນ 9-10 ປີ 2021, ຮອດເດືອນ 9/2021 ຈະເດິນທາງໄປໄດ້ຫຼືບໍ່ນັ້ນ ຍັງບໍ່ແນ່ອນ ຖ້າວ່າເດືອນ 9 ຍັງໄປບໍ່ໄດ້ເທື່ອ
ຈະແກ່ຍາວຮອດ ເດືອນ 3/2022 ແມ່ນໄປໄດ້ແນ່ນອນ ຕາມການຊີ້ແຈງຂອງຜູ້ຊ່ຽວຊານ ແລະ ມະຫາໄລຕ່າງໆທາງ ສປຈີນ. ດັ່ງນັ້ນ, ແນວທາງຂອງພວກເຮົາແມ່ນມີ 3 ແບບຄື:  1) ເມື່ອຮອດເດືອນ 9-10/2021 ຍັງໄປບໍ່ໄດ້ ແມ່ນຈະໄດ້ຮຽນອອນລາຍໄປກ່ອນ ເມື່ອເປີດປະເທດແລ້ວຈຶ່ງເດິນທາງໄປຮຽນ. 2) ບໍ່ຮຽນອອນລາຍ ແຕ່ຮັກສາທຶນໄວ້ ແລະ ເລື່ອນເວລາຮຽນອອກໄປ ເມື່ອໃດເດິນທາງໄປໄດ້ຈື່ງໄປຮຽນ. 3) ຮອດເດືອນ 9-10/2021 ຫຼື ເດືອນ 3/2022 ຍັງໄປບໍ່ໄດ້ ກໍ່ບໍ່ໄປຮຽນເລີຍ ຖອນຄືນທັງໝົດ 100% ກໍ່ໄດ້. ການສະໝັກທຶນແມ່ນ ຢູ່ໃນຊ່ວງໄລຍະເດືອນ 1-5 ຂອງທຸກໆປີ ເພື່ອເຂົ້າຮຽນເດືອນ 9-10, ຖ້າເຮົາບໍ່ສະໝັກຊ່ວງນີ້ ກໍຈະໄດ້ລໍຖ້າຮອບວຽນອີກໜຶ່ງປີຖັດໄປຈຶ່ງສະໝັກໄດ້. ການສະໝັກທຶນໃນຊ່ວງໄລຍະນີ້ ບໍ່ມີຫຍັງເສຍຫາຍ ຖ້າໄດ້ໄປຮຽນຕາມແຜນກໍ່ເປັນການດີ ຖ້າບໍ່ໄດ້ໄປຮຽນຕາມແຜນ ກໍ່ສາມາດຖອນຄືນໄດ້.